សម្រាប់ផលិតផលដុំក្រដាស យើងដំណើរការខ្សែសង្វាក់ផលិតកម្មរបស់យើងរយៈពេល 24 ម៉ោង និង 7 ថ្ងៃ ក្នុងមួយសប្តាហ៍។ យើងទទួលយកការបញ្ជាទិញពីអតិថិជនរបស់យើងសម្រាប់ 24/24 តាមស្តង់ដារ និងលក្ខណៈបច្ចេកទេស តាមតម្រូវការរបស់អតិថិជន។ កម្មករជំនាញ និងអ្នកបច្ចេកទេសរបស់យើងត្រូវបានបណ្តុះបណ្តាលយ៉ាងល្អ ដើម្បីមើលការខុសត្រូវលើផលិតកម្ម និងដោះស្រាយបញ្ហាប្រសិន ករណីមាន។

យើងទទួលបានការបណ្តុះបណ្តាលយ៉ាងល្អអំពីការធ្វើតេស្តនៅមន្ទីរពិសោធន៍ក្រដាស។ គំរូក្រដាស់របស់យើងត្រូវបានធ្វើតេស្តនៅមន្ទីរពិសោធន៍របស់យើងក្រោមជំនួយបច្ចេកទេសពីជំនាញការវៀតណាម និងចិន។ បន្ទាប់ពីធ្វើតេស្តដែលមានលទ្ធផលត្រូវគ្នាទៅតាមតម្រូវការរបស់អតិថិជន យើងព្រីនចេញវិញ្ញាបនប័ត្រលទ្ធផលតេស្តមន្ទីរពិសោធន៍ក្រដាសដាក់ភ្ជាប់ជាមួយផលិតផលក្រដាស ដែលបានយើងដឹកទៅឲ្យអតិថិជន។

យើងមានម៉ាស៊ីនធ្វើតេស្តក្រដាសពីរប្រភេទគឺម៉ាស៊ីនធ្វើតេស្តកម្លាំងផ្ទុះ និងម៉ាស៊ីនធ្វើតេស្តកំទេច។ ម៉ាស៊ីនតេស្តទាំងពីរនេះត្រូវបានតំឡើង រៀបចំ និងពិសោធន៍ដោយអ្នកជំនាញវៀតណាម និងចិន ជាមួយគ្រឿងបន្ថែមផ្សេងទៀត ដែលបានដំឡើងក្នុងបន្ទប់ពិសោធន៍ក្រដាសរបស់យើង។ យើងមានរូបមន្ត និងស្ដង់ដារដើម្បីវាស់កម្លាំង និងកំទេចក្រដាស ដើម្បីប្រាកដថាផលិតក្រដាសរបស់យើងមានកំហុសតិចតួច នៅពេលចែកចាយឲ្យដល់អតិថិជនរបស់យើង។

ខ្សែសង្វាក់ផលិតកម្មបច្ចុប្បន្នត្រូវបានរៀប​ចំឡើងដោយអ្នកជំនាញចិន។ ពេលដំណើរការរយៈពេល 24 ម៉ោង យើងអាចផលិតក្រដាសជាមធ្យមបាន 30 តោនក្នុងមួយថ្ងៃ។ នេះ​គឺ​ដើម្បី​ធានាដល់​ផលិត​កម្ម ​និង​ការ​ចែក​ចាយ​ដល់​អតិថិជនឲ្យ​ទាន់​ពេល​វេលា។ 5S Kaizen ត្រូវបានអនុវត្តនៅក្នុងខ្សែផលិតកម្មរបស់យើង។

ចាប់ពីដើមខែមករាដល់ខែមេសា ឆ្នាំ 2022 យើងផលិតក្រដាស់ជាមធ្យមប្រមាណ 15 តោនក្នុងមួយថ្ងៃ (ក្នុងរយៈពេល 24 ម៉ោង)។ ហើយចាប់ពីខែឧសភា ឆ្នាំ 2022 ដោយប្រើម៉ាស៊ីនក្រដាសធំ យើងអាចផលិតក្រដាសបានជាមធ្យមប្រមាណ 30 តោនក្នុងមួយថ្ងៃ។ ក្រោមការពិគ្រោះបច្ចេកទេស និងការត្រួតពិនិត្យដល់កន្លែងដោយអ្នកជំនាញវៀតណាម ការលាយទឹកថ្នាំ និងសារធាតុគីមីត្រូវបានធ្វើដោយមានស្តង់ដារ នឹងរូបមន្តច្បាស់លាស់ ដើម្បីផលិតផលិតផលត្រឹមត្រូវជូនអតិថិជន។